ملة الإسلام

ما حكم الاحتفال بأعياد الميلاد تشبها بالمسيحيين

حجم الخط تيليغرام

-- قوم أيييييه، المسيحيين بيحتفلوا بعيد ميلاد الرب (تعالى الملك عن ذلك)، عقيدة عندهم.. صح؟
- - أه صح.
-- بغض النظر عن اختلافهم في التاريخ 25 ديسمبر أو 7 يناير لأشهر طائفتين (الشرقيين والغربيين)؟؟
- - مظبوط.
-- قوم أيييييييه دي عقيدة هه متفقين؟؟
- - اه يا ستي أنجزي.
-- قوم أيييييه المسيحيين تبعاً لاحتفالهم بعيد ميلاد الرب (تعالى الملك عن ذلك) بيحتفلوا بأعياد ميلادهم .. منطقي.. صح؟؟
- - هااااا صح قلنا.. وربنا هزعلك خلصي.
-- طب خلاص أنا هقول أهو متزقيش، وصلنا للحتة اللي فيها البهاريز بقة..
الاحتفال ده عقدي، والاحتفال بأعياد الميلاد عند المسيحيين عقدي تابع لعقيدة عندهم أصلًا، يبقى التشبه في الاحتفال بأعياد الميلاد محرم تحريم مؤبد..

لو عمت بيه البلوى في بلاد المسلمين (يعني بقى فيه ناس كثير بتعمله) برضه هيفضل حرام.. ليه؟ لأن أصله عقدي عند المسيحيين..

والحاجة اللي أصلها عقدي عند أي حد غير المسلمين مينفعش نتشبه بيها فيهم باتاً بتوتاً بتتون بتتان وكل مصطلحات البت والمنع.. مهما حصل!

فهمتي يا حااااجة؟؟

يبقى إذن:
لا تهنئي حد بعيد الميلاد من أول المناسبة العقدية عند المسيحيين لحد عيد ميلاد صاحبتي وجارتي وأختي وعمتي وووو..

ولا تشاركي فيه ولا تروحيه ولا تتحايلي على الشرع وتعملي نفسك مش بتحتفلي بعيد الميلاد وتعمليه قبلها بيوم، ولا بس يا دوب حاجة حلوة على الضيق ولا على الواسع ولا على المقاس حتى..

ولا تسميه بغير اسمه وتقولي ده يوم ميلاد مش عيد ولا حاجة.. بتضحكي على مين يا حاجة؟؟
يعلم السر وأخفى.. ألا يعلم من خلق؟؟

استني مخلصتش كلام..
ولا تكتبي على الفيس والواتس والذي منه "من كام سنة اتولدت، ولا من كام سنة ولدت الواد ولا البت"، أل يعني مش قاصدة حاجة.. اتلهي في عمل صالح يدخلك الجنة بدل مانت فرحانة بحاجة مش بإيدك أصلًا بل.. لا مؤاخذة يعني مش قصدي أنكد عليك، كل سنة بتعدي عليك معناها في الواقع والحقيقة أنك قربتي من الموت..

السلف كانوا بيقولوا ليت أمي لم تلدني.. دي ناس فاهمة.. كانوا بيهتموا بتاريخ وفاة الشخص عشان قدم شيء في حياته لدينه ودنياه، واحنا مهتمين بموعد الميلاد عشان لامؤاخذة مفيش حاجة نقدمها غير أننا نقول "نحن هنا" ؟؟

علمي ولادك حاجة عدلة تنفعهم بدل مانت عمالة لوك لوك ملهوش فايدة.. وفيه ذنوب بس!

وكفاية كدة عليك.

الوسومالجنةالموتعقيدةأعياد الميلادالمسحيين

مقالات وفتاوى ذات صلة

مقالة · العقيدة الإسلامية هل يجوز الاحتفال بأعياد الميلاد ومخالفة هدي الكفار " ... كلما كثرت المخالفة بينك وبين أصحاب الجحيم، كنت أبعد عن أعمال أهل الجحيم، وكنت أبعد عن عذاب الجحيم.." قدم رسول الله المدينة… مقالة حكم الاحتفال بأعياد الميلاد في بلاد المسلمين حكم الاحتفال بأعياد المشركين: إن مما يكاد أن يكون معلوما من الدين بالضرورة أن الله تعالى ورسوله صلى الله عليه وسلم قد نهوا… فتوى · فتاوى وأحكام هل يجوز الجمع بين الاحتفال بأعياد الميلاد والمولد النبوي ما حكم الشرع في نظركم في أعياد الميلاد، والاحتفال بذكرى المولد للرسول صلى الله عليه وسلم، لأنها تنتشر عندنا بكثرة، أفيدونا بارك… مقالة · العقيدة الإسلامية حكم الاحتفال بأعياد الميلاد وتهنئة النصارى بالكريسماس من نعم الله - تعالى - على هذه الأمة ـ أمة الإسلام ـ أن دينها الخاتم للأديان والرسالات؛ احتوى على خيري الدنيا والآخرة، في تناسق… مقالة · اليهودية والنصرانية ما حكم الاحتفال بأعياد الكفار وعباد الصليب للمسلم بسم الله الرحمن الرحيم الحمد لله الأحد الصمد الذي لم يلد ولم يولد، وصلى الله على نبيه محمد وعلى آله وصحبه. أمّا بعد: فإنّ من أعظم… مقالة حكم الاحتفال بأعياد الكفار وتهنئتهم فيها للمسلمين لقد ميز الله - تعالى - هذه الأمة بالإسلام وأعزها به، وجعله لها طريقة فريدة في العيش، وطرازاً مميزاً في مفاهيمه وأحكامه وشرعه…