ملة الإسلام

لماذا تفشل علاقات الحب من أول نظرة وهل هي سراب

حجم الخط تيليغرام

بعد ما إتكلمنا عن الحب من أول نظرة قلتي إن الأحاسيس دي مش وهم..
هقولك: ومين قال إن الوهم بيبقى وهم فى قلب صاحبه؟!
الوهم شيء مش حقيقي؛ لكنه حقيقي وواقع عند إللي مُصاب به..

زي السراب! الإنسان العطشان لما بيبقى ماشي في الصحراء، بيشوف وكأن فيه مياه قدامه.. وبيبقى متأكد وشايف إنها واقع وحقيقة، ولكنها فعليًا وهم! وده نفس إللي بيحصل مع البنت إللي نفسها تحب وتتحب و(عطشانة عاطفياً).

هتقولي: أنا لسه برده مش مقتنعة!
هقولك جاوبي على السؤال ده علشان تتأكدي إنك انجذبتي له واتعلقتي به على مستوى البصر..
إزاي الواحد يحب حد ما يعرفوش؟ مش لازم الأول يعرف شخصيته وأخلاقه وعاداته.. مش هي دي الحاجات إللي بتتحب؟ وده إللي بتكتشفيه فعلاً بعد فترة لو بدأت علاقة ما بينكم، بتحسي إن فيه حاجة غلط؟ هو أنا حبيته ليه؟ مش ده الشخص إللي أنا كنت عايزاه!

وعلشان كده معظم علاقات الحب من أول نظرة -إن لم يكن كلها- بتنتهي بالفشل!
شوفي الكلام ده كمان، الكاتب الأمريكي (أريك جودمان) قال بعد إجراء بحث ميداني على مجموعة كبيرة من الشباب من الجنسين في المدارس الثانوية، وبداية المرحلة الجامعية في نيويورك: "أن الانطباع القوي الناجم عن اللقاء الأول بين الفتاة والشاب، والذي يطلق عليه الكثيرون اسم الحب من أول نظرة، يكون خداعاً في أغلب الأحوال"!

هتقولي: طيب الحل إيه؟! هقولك: الحل إنك بعد ما عرفتي حقيقة الحب من أول نظرة، لازم تفوقي من الكابوس إللي إنت معيّشة نفسك فيه، كفاية تعذيب في نفسك! لحد إمتى هتفضلي معلقة قلبك به؟ لحد إمتى هتفضلي تبصيله ويبصلك؟! ليه مش عايزة تلتزمي بأمر ربنا إللي أمرنا جميعاً ولاد وبنات بغض البصر..

قال تعالى: {قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ . وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا} [النور:30-31]، وإنتِ لو بتغضي بصرك من الأول مكنتش المشكلة إتوجدت من الأصل، ومكنش قلبك إتعلق بيه، وعلشان كده غض البصر أهم حل لمنع وعلاج مشكلة الحب من أول نظرة! ولو متعلقة به ومش قادرة تنسيه كملي قراية وهتعرفي الحل إيه.

الوسومالحبالشبابغض البصرالنظرةالحراموعدالعيون

مقالات وفتاوى ذات صلة

مقالة · قضايا الشباب أثر علاقات الإنترنت المحرمة على الزوجة والأسرة زوجة في مستشفى الأمراض النفسية تعالوا معي واقرؤوا وقائع هذه القصة المشينة لامرأة متزوجة، وكان منها ما كان بسبب الإنترنت وعلاقتها… مقالة · فتاوى وأحكام ما حكم الزواج بخطيب له علاقات محرمة على فيسبوك أجاب عنها: أسماء عبد الرازق السؤال: أنا مخطوبة من حوالي 6 شهور، أنا وخطيبي رغم أننا أقارب إلا أنه ليس هناك تقارب بيننا، أستخير… مقالة · قضايا الزواج والعلاقات الأسرية هل أقبل خطبة من له علاقات محرمة قبل الزواج السؤال: السلام عليكم، أود استشارتكم في أنه تقدم لي قريب لي، والكل يمدح بأخلاقه، ولكنه للأسف على علاقة ببنات، أشيروا عليّ.. جزاكم… مقالة · قضايا الزواج والعلاقات الأسرية حكم علاقات التعارف بين الجنسين قبل الزواج كان الوقت[ ] مساءً عندما دخلت إحدى السيدات تحمل للحاضرات نبأ طلاق فلانة من فلان... عمّ الضجيج المكان، وأخذت كل واحدة تدلو بدلوها… مقالة خطر علاقات الإنترنت وبرامج المراسلة على الشباب يتميز عالم الإنترنت بالخصوصية وإمكانية إقامة علاقات دون معرفة الشخصية الحقيقية، حيث إن برنامج المراسلة Chat أشد خطرًا على الشباب… مقالة · الآداب والأخلاق علاج الغضب وأثره في علاقات المسلم بسم الله الرحمن الرحيم الحمد لله والصلاة والسلام على رسول الله وبعد: فلا شك أن الغضب جمرة خبيثة في القلب من عمل الشيطان، له آثار…