ملة الإسلام

موقف محرج يبين ازدواج معايير الشاب مع الفتاة

حجم الخط تيليغرام

و بيخاف عليكِ بجد كان على الأقل خاف عليك زي ما بيخاف على أخته!
أصل حبيبك ده لو شاف أخته بتكلم ولد أو ماشية مع ولد ممكن يقتلها!
ومع ذلك بيكلمك ويخرج معاكي وبيطلب منك إنه يلمسك و..... و...!

أحد زمايلنا بيحكي ويقول: "كان فيه شاب قاعد مع بنت في الكلية، وطبعاً كانوا قاعدين وعايشين الدور، وعدت دكتورة جامعة من قدامهم، فنظرت لهم الدكتورة، ووقفت قدامهم، وقالت للشاب: أستحلفك بالله، لو البنت دي أختك، ترضى إنك تشوفها قاعدة القاعدة دي مع أي ولد؟ الشاب اتخض من السؤال وبدأ يفكر هيقول إيه؟ والبنت اللي معاه قاعدة منتظرة إنه يرد على الدكتورة ويثأر لكرامتها، ويبين لها صدق حبه لها، رد الشاب وقال للدكتورة بكل ثقة ووضوح: طبعاً لأ..! بكل صراحة مرضاش إن أختي تكون في الموقف ده!

ياااااااه لو تتخيلوا إحساس البنت في الموقف ده! إحساس فظييع بالمررارة، إحساس إنها لا شيء ولا تساوي أي شيء عند أقرب الناس إليها، عند الشاب إللي كانت مفكرة إنها كل حياته وإنه كل حياتها! إحساس بإنها رخييييصة أووووي! ونظرة الدكتورة ليها خليتها تشعر بأن مفيش شيء في الدنيا يستاهل، ليه تعملي كده في نفسك؟ في اللحظة دي البنت اتجرحت جرح صعب إنه يلتئم، وبصت لحبيبها وقالتله: إنت متعرفش أنا بستحقر نفسي إزاي دلوقتى! وسابته ومشيت"!

يا أختي والله العظيم الشاب إللي إنتِ بتحبيه ده وفاكرة إنه بيحبك ومستعد يضحي بالدنيا علشانك هيتبرأ منك ويهرب منك يوم القيامة! قال الله تعالى: {إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ} [البقرة:166]. هتتحايلي عليه يديكي حسنة واحدة يوم القيامة مش هيرضى! هتتحايلي عليه يشيل عنك سيئة مش هيرضى!

راح فين الحب إللي بينكم؟ بعد ده كله لسه هتقولي برده بحبه؟
طيب هسألك شوية أسئلة وعايزة إجابة صريحة منك: يا ترى لو النبي صلى الله عليه وسلم دخل عليكِ وإنتِ بتكلميه، هترضي تكملي كلامك معاه وتقولي للنبي بكل فخر ده حبيبي يا رسول الله مش حد غريب؟! يا ترى لو النبي صلى الله عليه وسلم شافك وإنتِ واقفه معاه هتجري عليه وتقولي له يا رسول الله تعالى أما أعرفك على الشاب اللي أنا بحبه؟!

يا ترى كل كلمة بتقوليها له وكل نظرة بتنظريها له بيكتبها ملك الحسنات ولا ملك السيئات؟!
يا ترى لو ملك الموت قبض روحك وإنتِ قاعدة معاه أو بتكلميه في التليفون، أو على النت، يا ترى دي هتكون حسن خاتمة ولا سوء خاتمة؟ لسه برده مش عايزه تسيبيه؟

الوسومالدنياالقيامةيوم القيامةالحبالنبيالموتالمحرمالحرجالحقارة

مقالات وفتاوى ذات صلة

مقالة · فقه الأسرة كيف يختار الشاب شريكة حياته: معايير شرعية ونصائح عملية الزواج نصف الدين، واختيار شريكة الحياة من أهم القرارات في حياة الشاب؛ فهو يحدد مسار بيته وأولاده ومستقبله. وقد جاءت الشريعة… مقالة · فقه الأسرة كيف تختار زوجاً صالحاً: معايير الشرع وصفات الزوج الكفء اختيار الزوج قرار يغيّر مسار حياة المرأة كلها، فهو شريك العمر وأبو الأولاد، وبه تُبنى الأسرة التي هي لبنة المجتمع في الإسلام. وقد… مقالة · فقه الأسرة كيف تختار زوجة صالحة: معايير شرعية عملية الزواج نصف حياة الإنسان، واختيار الزوجة قرار يترتب عليه صلاح بيت وتربية ذرية أو شقاء يمتد سنين. وقد جعل الشرع الدين أصل المفاضلة… مقالة · فقه الأسرة كيف تختار الزوجة الصالحة: معايير شرعية الزواج نصف الدين، واختيار الزوجة الصالحة من أهم القرارات في حياة المسلم؛ إذ بها تستقيم الأسرة وتصلح الذرية. وقد أرشد النبي ﷺ إلى… مقالة ماذا يكشف ازدواج المعايير في اتهام الإسلام والمسلمين بمصر في سياق الحملة الهمجية التي تقوم بها كلاب الحراسة ضد الإسلام والمسلمين في مصر ، تنتهز أبواق النظام وخدامه من مسئولين وغيرهم فرصة… مقالة ازدواج شخصية الوالدين وأثره على الأبناء ♦ مرض أحد الطلاب فزرته في منزله مع بعض الزملاء، فجلس معنا والده، وقام يتحدث عن مآثره وإنجازاته، والابن يستمع إليه بصمت مطبق…