ملة الإسلام

حكاية بئر ماء المطر: سبع آبار وعبرة العطش في الصحراء

حجم الخط تيليغرام

حكاية بئر ماء المطر حديث عهد برب السماء (حكاية للكبار والصغار):
كان وياما كان، ولا يحلى الكلام، إلا بذكر الله الرحمن الرحيم، والصلاة على النبي المرسل رحمة للعالمين..

كان فيه مجموعة من الناس تاهوا في الصحرا، صحرا كبيرة واسعة فيها رمال خشنة بس أمان، وفيها رمال ناعمة جميلة بس متحركة، يعني اللي يغريه ملمسها الناعم الجميل يغرق! شوية غرقوا في الرمل الناعم وهلكوا، وشوية فهموا إن الرمل الخشن رغم خشونته فهو أمان، الشمس نار وهم عطشانين عطش الموت، ومشيوا كتير يبحثوا عن ماء! استغاثوا بالله يا رب عطشانين فين مية المطر؟ اللهم أغثنا اللهم أغثنا..

فجأة لقوا قصادهم سبع أبيار! يااا فرج الله! يا فرج الله! الأبيار دي متحوش فيها مية المطر، راحوا على أول بير لقوه مردوم بالرمل! بس فيه ناس من كتر عطشهم واستعجالهم أكلوا الرمل وقالوا كان في يوم من الأيام كان فيه مية! باقي الناس راحوا لتاني بير لقوه سراب! شوية منهم ما صدقوش وقالوا بس نقرب شوية كمان وشوية كمان، ومشيوا ورا السراب!

الباقي راحوا لتالت بير لقوا فيه حيوانات ميتة! قالوا مش مهم برضه هنشرب دي ضرورة!
ورابع بير لقوا ميته قليلة وفي قعر البير واللي هينزل عشان يشرب مش هيعرف يطلع منه! بس شوية من كتر عطشهم رموا نفسهم فيه رغم يقينهم إنه هلاك!

فضل مجموعة قليلة منهم راحوا لقوا ثلاث أبيار جنب بعض ومليانين مية! ياااا فرج الله! يا فرج الله! الحمد لله جريوا يشربوا واحد منهم صرخ فيهم وقال استنوا ما تشربوش! فيه يافطتين على الأرض تحذير إن مية البير مسمومة! لا حول ولا قوة إلا بالله! سبحانك يا رب!

طب نعمل إيه؟ كل يافطة على مسافات متقاربة من الأبيار! يمكن الريح وقعتهم بس الأكيد إن بير واحد هو الصالح وبيرين ميتهم مسمومة! شوية قالوا هنشرب من الأقرب لنا وخلاص! وشوية منهم قالوا لأ نجرب ونضحي بشوية مننا!

واحد طيب قال لأ، نسأل رب الأبيار.. نستخير.. نستخير استخارة الحيران، استخارة بدون تعصب لرأي ولا هوى نفس، استخارة الغريق لا يعرف أي الأطواق هو طوق النجاة! استخارة العطشان عطش الهلاك، ولا يعرف أي الأبيار هو بئر ماء المطر الصافي الوحيد، حديث عهد برب السماء..
اللهم أرنا الحق حقًا وارزقنا اتباعه، وأرنا الباطل باطلاً وارزقنا اجتنابه.

المصدر: خاص بموقع طريق الإسلام

الوسومحكايات

مقالات وفتاوى ذات صلة

مقالة · التربية والأسرة المسلمة حكاية الشجرة الطيبة: عهد ماء المطر والصبر على الأذى حكاية الشجرة الطيبة (حكاية للكبار والصغار): كان وياما كان ولا يحلى الكلام إلا بذكر الله والصلاة على النبي عليه الصلاة والسلام..… مقالة · لا تحزن قصة استجابة دعاء المضطر ونزول الغيث في الصحراء حدَّثنا أحدُ الفضلاءِ من العُبَّادِ: أنه كان بأهلِه في الصحراءِ، في جهةِ الباديةِ، وكان عابداً قانتاً منيباً ذاكراً للهِ. قال:… مقالة التقسيم الإداري الجديد وتهيئة الصحراء الغربية لكيان مسيحي في التقسيم الإداري الجديد للمشير السيسي: تهيئة الصحراء الغربية لتكون امتدادًا للدويلة المسيحية في وادي النطرون.. التقسيم الإداري… مقالة مشروع تقسيم محافظات مصر وبيع الصحراء للشركات الأجنبية مشروع السيسي يعطي الصحراء الشرقية لإسرائيل والغربية للصليبيين. مشروع المشير عبد الفتاح السيسي المتعلق بالتقسيم الجديد للمحافظات… مقالة مشروع المليون فدان وخطر تمليك الصحراء الغربية للأجانب مشروع المليون فدان وطرد الدولة والمصريين من الصحراء الغربية مشروع المليون فدان يسير وفق المخطط الذي وضعته الدوائر الخارجية… مقالة كيف تصبح الصحراء العربية عاملا للاندماج والاستثمار حميد بن خيبش قلما تجد لبحث أكاديمي منفذا إلى القلب، لأن العادة جرت أن تُكتب البحوث والدراسات بلغة باردة، مثقلة بالأرقام والمعطيات…