ملة الإسلام

شروط تعليم الأبناء في مدارس اللغات مع الحفاظ على العربية

حجم الخط تيليغرام

معنديش أي مانع أنك تدخلي ابنك مدارس ياخد فيها الرياضيات والعلوم بالإنجليزي بس بشرط..
أقصد شروط:

- أنه يكون نيتك مش منظرة وتفاخر، وعندك هزيمة نفسية ومش عاجبك لغتك.
- أنك تعلميه يعرف كل الحاجات والمصطلحات بالعربي، ويكون عنده قدرة يشرحها بالعربي، سهل جدًا لو بيتعلمها في المدرسة بالإنجليزي يترجمها عربي، لأنه ببساطة دي لغته الأم، ويعرف الاثنين مش يبقى خواجة، ميعرفش يعني إيه جمع وطرح وقسمة.

- أنك تقوي لغته العربية -ولغتك الله يكرمك بالمرة-، مش عشان هو مدارس لغات يبقى تكتبي لي الذال زاي، والثاء سين وخراب اللغة، وتتكلمي نص كلامك عنجليزي وتكتبي فرانكو.. لا يا حبيبتي مش ده قصدي ولا أقره، ولا يعجبني الشغل ده مش لعبة.

- لازم تظهري له اعتزازك باللغة العربية، وفخرك بها، وتحاولي تعلميه شعر وتدوروا سوا على معاني مفردات فصحى، والتفسير وكدة..

- يحفظ القرآن، متقوليش أوه لا لا صعب يحفظ ده في مدارس لغات، هو مش صعب ياخد الماس والساينس بالإنجليزي، لكن صعب يحفظ؟! هزلت، ربنا قال: {وَلَقَدْ يَسَّرْنَا الْقُرْآنَ لِلذِّكْرِ} [القمر:17،22،32،40]، لكن مفيش آية في الساينس والماس أنهم متيسرين!

- احنا بنعلم عيالنا تعليم كويس عشان أمتنا ترتفع وترتقي، تنافس وفي يوم من الأيام هنحط احنا المناهج وهنعملها عربي، وهنسمي المخترعات بالعربي عشان احنا اخترعناها، مش بنتعلم لغات عشان نتفرنج ونبيع دينا، ونبقى زيهم لسان معوج وحال معوج!

- اهتمي بدينك وعلمي ولادك دينهم كويس وخليهم دايما معتزين بالدين ومقدمين الدين على أي شيء تاني.
- لو المناهج أمريكية أو بريطانية وكدة ناقشي ولادك باستمرار، وفهميهم الصح والغلط والفرق بينا وبينهم، واغرسي فيهم العزة، اطلاع الولد على ثقافة تانية مفيد جدًا لكن من باب الاطلاع مش الهزيمة النفسية والتبعية.

- أنا في كل ده بتكلم على مدارس لغات وبيئة مناسبة إلى حد ما، مش داخل في كلامي أبدًا مدارس التبشير والراهبات والرهبان عن تجربة، أرفضها.

الوسومالأبناءاللغةالدراسة

مقالات وفتاوى ذات صلة

مقالة فضل النبي صلى الله عليه وسلم وحق تعليم الأبناء سيرته قالوا فيه ما قالوا، والناس أعداء ما جهلوا.. ألا فليعرفوه ، ولينظروا في أخلاقه، وأوصافه، فشفاء الجهل العلم [1]. أعظم رجل في… مقالة شروط تعليم القراءة في الصفوف الابتدائية الأولى يمكننا أن نعرف التعليم بأنه عملية توفير الشروط المساعدة على التعلم. وينطبق هذا التعريف على تعليم القراءة. ونبحث في ما يلي في… مقالة · فن الكتابة فى الصفحة البيضاء ترتيب تعليم الأبناء الإيمان قبل القرآن والسنة تكلمنا في المقالة السابقةِ عن ترويضِ أبنائِنا بالإسلامِ، واليوم نتكلمُ عن أولويات السقايةٍ الحكيمةِ المُثمِرَةِ بإذنِ الله، فقد… مقالة حكم تعليم الأبناء في المدارس العالمية والأجنبية الحمد لله رب العالمين, والصلاة والسلام على أشرف الأنبياء والمرسلين, نبينا محمد وعلى آله وأصحابه أجمعين...أما بعد: فنعمة عظمى,… مقالة وصايا للمرأة المسلمة في الحفاظ على دينها وأمانتها إلـــى حامــلة الأمانة (1) : سيــري على جَـــــدَدٍ ولا---- تتعثــري بين الشبـاكِ والى كمــال النفس بالإيــ ---- مان..فلتصعــد… مقالة · الدعوة إلى الله الحاج أحمد بللو وجهوده في الحفاظ على إسلام نيجيريا هناك في قلب أفريقيا حيث تشرق شمس الإسلام رغم ازدحام سمائها بغيوم التنصير، في تلك القارة العظيمة ولد رجال حملوا هم الدعوة وبذلوا…

خطب جمعة في الموضوع