ملة الإسلام

تفسير بداية سورة الواقعة: زلزال النفوس والقلوب

حجم الخط تيليغرام

يا ترى يا شباب لو أنا في بيت واحد من أحبابي نايم في البيت ده

وفجأة قامت حريقة يا ترى هصحي حبيبي ده ازااااااااااااااي وأنا خايف وبنقذ حياته ؟؟؟؟

بالتأكيد مش هصحيه بنفس الطريقة اللي بصحيه بيها عشان يروح المدرسة أو الجامعة

ولله المثل الأعلى هي دي الطريقة اللي ربنا أيقظنا بها من الغفلة في بداية سورة الواقعة

داخلة سورة الواقعة قوية جداً بتتزلزل قلبك ونفسك وعقلك وروحك وجسدك خمس أنواع من الزلازل في بدايتها

زلزال للنفوس {إِذا وَقَعَتِ الواقِعَةُ}

وَقَعَتِ دي زي واحد ماشي فجأة وقع عليه لوح خشب أو حاجة من فوق فجأة

فزع !!!!!!

الدنيا اتخطفت فجأة !! والآخرة جاءت فجأة..!! والقيامة هجمت فجأة! !!!!

{لَيسَ لِوَقعَتِها كاذِبَةٌ }

يعني الكلام ده أمر واقع لا مفر منه

زلزال للقلوب {خافِضَةٌ رافِعَةٌ}

القلوب اللي رفعت حاجات وخفضت حاجات لما تُفاجأ يوم القيامة إن كل الموازين اتقلبت رأس على عقب القلب يتزلزل !!!!!

زلزال للأجساد {إِذا رُجَّتِ الأَرضُ رَجًّا }

الرج ده بسبب الارتطامات الكونية ما بين المجرات والأجرام السماوية، والأرض دي حتة ذرة صغيرة وسط الكون الرهيب ده

فتتخيلوا الملائكة وهي ترج الأرض فالأرض ساعتها هيبقى حالها إيه ؟؟؟

الارتطامات الكونية بتبقى رهيبة والملائكة اللي بترج في الأرض دي قوة جندي من جنود ربنا

أومال قوة ربنا اللي خلقها

زلزال للعقول {وَبُسَّتِ الجِبالُ بَسًّا}

العقل لا يستوعب

إن أضخم وأصلب مخلوق على وجه الأرض ( الجبل) هيتفرم ويبقى ذرات تراب تطير في كل اتجاه

{فَكانَت هَباءً مُنبَثًّا}

كانت = مش بس الجبال ! الدنيا كلها كانت هباء !!

كل اللي الإنسان ضحى عشانه هباء منبث في النهاية

زلزال للأرواح {فَكانَت هَباءً مُنبَثًّا}

اللي ارتبطت بالدنيا وعشقت الدنيا وهي بتشوف الدنيا في الآخر فكانت هباء منبث

كانت كل شيء انتهى كل شيء راح كل حاجة الإنسان ضحى عشانها انتهت في النهاية

الوسومالغفلةالدنياالقلوبالقيامةالقلبالملائكةالآخرةالواقعة

مقالات وفتاوى ذات صلة

مقالة مواعظ وعبر من سورة الواقعة الحمد لله الذي أنزل على عبده الكتاب عبرة للمعتبرين وموعظة للمتقين، ونبراسًا منيرًا للمهتدين، فكان شفاءً لما في الصدور، ومصلحًا… مقالة · الإعجاز العلمي الإعجاز الهندسي في سورة الواقعة على وجود الخالق د.سلامة عبد الهادي القرآن الكريم هو كتاب الله الذي جـاء نـوراً و هداية بمـا يواكب عصـراً تتقدم فيه العلوم و تزدهر. جـاء ليؤكـد… مقالة تأملات في سورة الواقعة ومحورها حول البعث ومنازل الناس المعجزة القرانية: تأملات في سُورةالواقِعة. هذه السورة الكريمة التى الف كثير من الناس قراءتها تقرباً إلى الله عز وجل يمكن أن… مقالة · مع القرآن (من الأحقاف إلى الناس) تفسير إنكار المشركين للبعث في سورة الواقعة {وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ} : من أقوال أصحاب الشمال واعتقاداتهم… مقالة فوائد من تفسير سورة الواقعة: نعيم أهل الجنة وصفات الحور العين الحمد لله رب العالمين, والصلاة والسلام على أشرف الأنبياء والمرسلين, نبينا محمد وعلى آله وأصحابه أجمعين...أما بعد: فهذه بعض… مقالة تفسير سورة الواقعة وأحوال الناس يوم القيامة إنَّها من سور القرآن التي لها شأن عظيم، التي من أولها إلى آخرها وعد ووعيد، وترغيب وترهيب، وبشارة ونذارة، وتقرير وتأكيد: ((سورة…

خطب جمعة في الموضوع