ملة الإسلام

شبهة البخاري رجل ونحن رجال والرد عليها

حجم الخط تيليغرام

- يا بنتي أنتم متعصبين! ليه مننتقدش البخاري وكتب التراث وفهم العلماء للقرآن والسنة؟!
هو اللي خلق العلماء دول مخلقش غيرهم؟ هم رجال ونحن رجال؟

- شوفي يا حجة:
أنا امبارح قعدت كدة أفتكر النظرية النسبية لأينشتاين وقواعد أرشميدس الاي أنا مش فاكراها، وبعدين قررت أنتقدها لأن دي حرية رأي، وحرية الرأي مكفولة للجميع، قووووم إيه توصلت للآتي:

- النظريات دي مغلوطة بدليل أن الطلبة بيغلطوا في تطبيقها.
- العلم بيتطور ويتقدم، وبالتالي النظريات دي قديمة فلازم نهدها خالص، ونحرق النظريات دي خصوصًا أنها صعبة جدًا والطلبة مش بيفهموها أصلاً!

- احنا مش هنسلم دماغنا لواحد زي أينشتاين يلعب فيها ويقولك النسبية.. نسبية إيه وبتاع إيه بس بلا هم.. وأرشميدس ده ولا له أي لازمة أصلاً.. وبهذه المقدمات ممكن أهدم أي نظرية علمية وأعمل عليها نقد يهدها من أصولها، بس ادوني بس كتاب فيه النظريات دي أو استنوا كدة أطلع الكتب من تحت السرير، أو أنزلها من فوق الدولاب، وأنا هقضي عليهم تمامًا

- كمان على فكرة أنا حطيت تصميم مفتكس لسلاح ليزر قد كف الإيد باستخدام الطاقة الشمسية (أه وربنا)، هي الأوراق ضاعت وأصلاً لو موجودة مكنش حد هيتبناها، بس لازم تشوفوا إنتاجي وكدة..

- بنتي أنت رغاية أوي.. بس اللي بتقوليه ده أي كلام طبعًا، أنت أصلاً خريجة ترجمة إيش فهمك في الفيزياء؟!
- يا حجة أنا كنت علمي رياضة وجايبة درجة عالية في الفيزياء أصلاً، ومن غير دروس خصوصية، والشهادة موجودة وكنت في هندسة عين شمس على فكرة، بس أنا اللي سبتها بمزاجي وحولت ترجمة عشان أدخل الأزهر منارة العلم والعلماء.

- بس مينفعش يا بنتي حد يتكلم في العلم ويخترع وكدة.. وينتقد نظريات مسلمات زي دي من غير ما يكون دارس وكدة.. زي أحمد زويل والناس دي يعني.. هو أيه كل من هب ودب؟

طب تعالي يا حجة أكشف عليك وأقولك مرضك إيه وأديك دواء حلو أوي، أنا ركبته بنفسي في المطبخ..
- يا بنتي أنا مش هسلم نفسي لأي حد، دانا عشان أروح لدكتور بفضل ألف ألف وأسأل لحد ما أوصل لأحسن دكتور، وبعدين اللي يركب دوا ده يبقى صيدلي أو خريج علوم..

- صيدلي إيه يا حجة الصيادلة دول بياعين والدكاترة مش بيفهموا حاجة أصلاً..
وبعدين فيه حرية رأي وتعبير ومينفعش تخلوا الطب والصيدلة والفيزياء والهندسة.. والحاجات دي كهنوت وكدة كل واحد يدلو بدلوه ويقول كدة ويفتكس.. هي إيه حكر عليكم ولا أيييييييييييه؟

* غريبة أوي الحجة دي على فكرة..
مش هطول عليكم عشان اللبيب بالإشارة يفهم.. فتكم بعافية.

الوسومالبخاريالعلماءالعلمالبخار_كله_صحيح

مقالات وفتاوى ذات صلة

مقالة · العقيدة الإسلامية شبهات أوزون حول البخاري والرد على تجنياته الحمد لله القائل [ وَإِنَّ مِنْهُمْ لَفَرِيقًا يَلْوُونَ أَلْسِنَتَهُمْ بِالْكِتَابِ لِتَحْسَبُوهُ مِنْ الْكِتَابِ وَمَا هُوَ… مقالة جهود البخاري ومسلم في حفظ السنة النبوية الحمد لله والصلاة والسلام على رسول الله، اللهم ألهمني رشدي وقني شر نفسي. كان العرب في زمن النبوة من أذكى الأمم فقد كانت ألواح… مقالة طريقة عملية لدراسة الكتب الستة وضبط صحيح البخاري طالب العلم عليهِ أنْ يُعنى بصحيح البُخاري، ويَجْعلُهُ مِحور عملِهِ، بحيث ينظر في أحاديثهِ أوَّلاً فأوَّل، فيبدَأ في الحديث… مقالة الطعن في صحيح البخاري ومسلم تحت دعوى التنقيح الحمد لله وحدَه، والصلاة والسلام على من لا نبي بعده، أما بعد: فمن الظواهر التي تصاعدت حدَّتها في القرن الماضي تطاوُل بعض… مقالة كيف يواجه المسلمون حملات التشكيك في صحيحَي البخاري ومسلم لا يزال مسلسل الكيد للسنة ورجالها مستمراً، في مخطط يستهدف دين الإسلام واجتثاث أصوله، وتقويض بنيانه، فقد رأينا في مواضيع سابقة… مقالة معنى الإيمان عند البخاري بين القول والعمل والزيادة والنقصان قدَّم الإمام البخاري كتاب الإيمان بمُقدِّمةٍ وجيزة، لخّصت معنى الإيمان وبينته ووضحته أيّما توضيح.. أحببتُ أن أُهديها لمن لم…

خطب جمعة في الموضوع